2014年11月9日 星期日

崁頂集興軒子弟(團)[一]_歷史佮人物 20141109_Lah-jih

崁頂集興軒子弟(團)[一]_歷史佮人物        20141109_Lah-jih
崁頂集興衰史:   Lah-jih_20141110
崁頂集軒子弟()[一]_歷史與人物   20141110_Lah-jih
參考資料:林美容著_彰化縣曲館與武管【南彰化臨山篇】
20141018蕭平治與蕭木泉對話開講kap樂器翕相。
崁頂集(Tsi̍p-hin-ian)歷史:
1、成立佇日本時代,根據集雲軒鼓架題字「明治30成立」是西元1897年,已經有117年歷史。順良補充:「民國七十五年五月公金重修時,為著加深集興軒ê歷史,蕭添露建議增加成立年閣,所以應該無夠117年tsiah-tio̍h。不過根據我所知,集興軒tī黃起in老爸黃清河時代to̍h已經存在,黃起kap黃清河攏是鼓吹手,黃起koh家己整布袋戲團。」ē-tàng確定--ē是大約佇1950年,太平里ê陳金龍先生來崁頂開館。陳金龍先生的師傅是社頭鄉石頭公「北管先生」洪朮先生。(蕭木泉學吹ê時陣是20歲,今年85歲,已經有65年歷史。)
2、練習演出地點:役會kap公埕(土地公廟仔將爺廟仔廟埕)。金龍師來崁頂大約教有四、五館ê時間,彼陣「先生」並是逐工來教,因為其他庄頭有倩伊教,若有來教,集興軒會計算日數,算先生禮予--伊,斯當時先生禮用粟仔代替現金,教一館大約千外斤稻穀ê價賬。「金龍先」代起先教扮仙戲《三仙會》,教過 【鬥鵪鶉】、【一江風】、【下小樓】等曲牌。另外「金龍 先」有佇田中鎮平和里、復興里kap溪州鄉圳寮、下壩、大庄等所在教--過。
3、團員名單kap專長:
蕭添露(Lóo--è)Lóo--è是鼓介頭手師傅。tak鼓、通鼓、拍板是kui-ê子弟(總指揮。
蕭木泉(Sūn-liâng--ē)Sūn-liâng--ē(順良)絃、吹逐項會,少年時代to̍htsiūnn-kioh(上腳)
詹德鑑(A-kàm)A-Kàm是鼓吹高手,gâu吞氣(thun-khuì),歕吹nńg-lio̍h像甜粿,報紙bat報導伊ê功夫。
紀丁味(Ting-bī--ē):絃、吹攏會。
蕭壬辰(Jīm-sîn--ē):鑼鈔、對曲。
蕭如東(Jî-tong--e):鑼鈔。對曲,扮小旦,幼聲好聽。
蕭元讚(Tsàn--è):鑼鈔、通鼓、唱曲。
蕭明堂(Phah-tâng--ē):鑼鈔。對曲,扮大花。
蕭明魁(A-Khue--a):鑼鈔。對曲,扮大花。
蕭金殿(A-Tian)鑼鈔。對曲,扮小生。
蕭金閣(Kim-koh--ē)鑼鈔。對曲,扮小生。
蕭金郎(Khi̋n-lóng):鑼鈔、通鼓、唱曲。
陳傳木(nâ--ē):鑼鈔。對曲。
蕭興賢(tuā-kóng Hiân--ē):鑼鈔。對曲
黃起(Khí--è):鼓吹。
曹錫榮(Îng--ē):大鼓,鑼鈔。
蕭烏棕(Ba̍k-bui):鼓介、鑼鈔、絃吹lóng-ē。
蕭昌蔭(Ìm--è):介、鑼鈔、絃吹lóng-ē。kap黃起tī布袋戲傳做後場。
蕭愛哮(Tsîⁿ-ta̍t-á):唱曲,聲音懸koh媠,北管曲〈緊中慢〉是伊ê專門,高音bē尖,真好聽。
4、老師傅蕭順良:蕭順良戶口名蕭木泉,是集興軒鼓吹手,伊ê吹學了有起,少年時代,為著練習歕鼓吹,驚人吵--tio̍h,時常利用落雨天抑是去田裡,較無人ê所在練習,20to̍h時常hō͘人倩去娶新娘攤,歕笛仔、噯仔,閣kap隔壁阿鑑學歕吹。m̄-nā gâu歕吹,殼仔絃、二絃、大管絃逐項會,斯當時鼓吹引仔lóng是伊家己製造。
5、老師傅ê怨嘆:
老師傅蕭順良今年85歲,ùi少年時代加入集興軒子弟()kap金龍師學吹,已經65年歲月,伊講:「過去咱集興軒是真tshiaⁿ-iāⁿ,無論絃吹、鼓介、鑼鈔逐項有人學,對曲角色幾若个,大花、小生、小旦攏會曉,tn̄g-tio̍h年節,神明生,抑是娶新娘,需要啥物腳數,tshin-tshâi招招召召--lehto̍h ē-tàng出場,子弟陣、八音、三筆鑼仔,抑是過年歕春、排場、唱曲,腳數夠額,lóng mā鬧熱滾滾無冷場。想kah tsit-máaih⋯⋯」順良師想--to̍h怨嘆,怨嘆無人繼承集興軒ê傳統。
「頂年仔開幾若萬箍倩師傅來tàu教,結果--leh siuⁿ--ē siuⁿ--ē,無閒--ē無閒,少年--ē koh無想bueh學;尾仔總是招有夠額ē-tàng開班,siáⁿ知頇顢--ē頇顢,tshàu-tsheⁿ--è tshàu-tsheⁿ,像A-Îng to̍h kan-nā會曉鑼鈔,教伊絃吹to̍h是學來。ah Tshang-mê--ēkan-nā--伊幾句,tiuⁿ--leh to̍h講無愛學,最後猶是散了了。集興軒註定愛消失去!無奈無辦法。
△崁頂 集興軒舊鼓架正面,刻字「明治三十年」「仲秋月吉置」
△坦邊刻字「民國四十八年十二月公金修」
△坦邊刻字「民國七十五年五月公金重修」「發起人蕭添露」


△頂潭里 集興軒這个鼓架是30外年前,子弟(團)當ka-ia̍h時,除了應付庄內喜喪事,閣有外埠頭來邀請,為著方便起落,蕭順良tsiah設計tsit座輕省便利鼓架,tsit-má tī倉庫歇睏,tak鼓、小鼓(通鼓),已經破碎hām-sau,ひのき/檜木鼓架猶原保持原在。
△集興軒鼓架頂ê tak鼓、小鼓、kho̍k板。
老師傅蕭順良提供:金龍師tī集興軒開館所寫八音工尺譜手抄本影像。
工尺譜:上 ㄨ 工 凡 合 士 ㄧ 六 五 乙





△老師傅蕭順良(蕭木泉先生)20141101蕭平治翕相

















沒有留言:

張貼留言