2017年12月13日 星期三

輕輕鬆鬆讀台語 第五單元 第六課

輕輕鬆鬆讀台語 第五單元  第六課
第六課    我是一个小古錐
有一個súi 姑娘,我tiōsúi 姑娘,sai-nai 古錐,
m̄ 知影有憂愁,每日攏穿真súi ,活潑閣幼秀;
有一個小紳士,我tiō是小紳士,緣投古錐,
m̄ 知影有憂愁,有禮貌,愛運動,品行真優秀;
有一個小古錐,我tiō是小古錐,真正古錐,
m̄ 知影有憂愁,心嘛bē 扑結虯,sai-nai 閣優秀。
【註解】:


súi :媠, [美麗,漂亮]
sai-nai [撒嬌]
幼秀:iù-siù [秀氣]
優秀:iu-siù

扑結虯:phah kat-khiû [打結]

2017年12月12日 星期二

阿輝kap阿吉: Lah-jih_20171209

阿輝kap阿吉:    Lah-jih_20171209
1950年代庄跤所在,大人無閒做穡,囡仔放leh自由自在,學校轉來,tàu做一寡工課以外,是田園水溝四界趖,掠水蛙灌杜猴,走飆放風吹tng斑鴿,親像阿輝有一台二四仔細隻鐵馬實在是真煬,m̄-chiah阿輝鐵馬若牽出門,囡仔伴綴一大群,相爭boeh hō͘阿輝載chhit-thô,阿輝人bē-kho̍klóng-ē門口埕輪流載逐家lin-long-se̍h 1-liàn 2-liàn,親像阿吉--à 按呢ē-tàngleh四界chhit-thôsoah kan-na 阿吉--à 一个。
講著阿吉kap阿輝有影足má-chih,時常褲帶結相黏司公仔象桮,若有看著阿輝--a tō罕得無看著阿吉--à,阿輝--a彼台鐵馬tō ná親像專門leh載阿吉--à ê自用車,阿輝kài-sêng阿吉ê司機。
有一工,司公仔象桮又閣褲帶結相黏,相招boeh long-long-se̍h,阿吉--è騎馬long tiàm鐵馬後載,kek-sià跤伸直直,放͘雙跤leh拖塗,阿輝愈騎愈食力,越頭一下看,原來是阿吉leh作怪。
「阿吉,你êmài拖塗好--bò͘?按呢足歹騎--neh?」
m̄-koh我足爽--è,趣味koh好耍!hihhihhihhihkhí-mo͘ spring giang!」

又閣是long-long-se̍h ê禮拜日,阿輝載阿吉ùi門口埕踅出大路,斡對巷仔內,阿吉--à仝款kek-sià跤伸直直,放͘雙跤leh拖塗,鐵馬踅出巷仔口,直接斡入牛車路,阿輝起悾歁,馬角仔掠leh kho̍k-kho̍k choāichoāi正爿choāi倒爿kho̍k-kho̍k soan,有時刁工soan 落去牛車溝,險險跋一倒,害阿吉歡喜kah膦核仔giōng-boeh lak--去,toè-leh ná笑,阿輝歡喜心內,愈騎愈心適,伊雄雄尻川䫌oái一下,蹁對正爿--‥‥‥
「阿輝!我ê跤蹄仔ná-ē燒燒?」
一跤?」
「正跤。」
He siu歡喜--lah!」
「有影--ho͘h!」
鐵馬繼續lōng,牛車溝猶真長,阿輝仝款馬角仔掠leh kho̍k-kho̍k choāi kho̍k-kho̍k soan,害阿吉歡喜kah膦核仔giōng-boeh lak--去,toè-leh ná笑,阿輝歡喜心內,愈騎愈心適,一下無張持koh尻川䫌oái一下,chit擺蹁對倒爿--‥‥‥
「阿輝!我ê跤蹄仔ná-ē燒燒?」
一跤?」
Chit擺換倒跤。」
He siu歡喜ê感覺--lah!」
「仝款燒燒--neh!」
阿輝實在擋袂牢--ā,「ah tă--è 當然燒燒。」
「阿輝,你我騙。」
「敢leh咬鴉片--leh。」
阿吉--à tiàm路邊水溝仔跤盤牛屎洗清氣,兩个司公仔象桮歡歡喜喜轉去。

今仔日又閣是禮拜日,下晡阿吉招阿輝講boeh去牛車路oái牛車溝,有夠刺激好耍,來到牛車路,阿輝展絕技,馬角仔kho̍k-kho̍k choāi kho̍k-kho̍k soan,雙跤伸直直放leh拖塗ê阿吉--à,趕緊跤勼--起來。
Ah m̄ koh leh拖塗?是足爽--è,趣味koh好耍,khí-mo͘ spring giang!」
「我無leh--leha̍h-soah-m̄-chai你又閣boeh害我牛屎。」
阿輝馬角仔繼續kho̍k-kho̍k choāi kho̍k-kho̍k soankoh刁工去軋牛車溝,阿吉--à 雙跤幌--leh --leh 有夠痠,擋牢,趕緊跤勼轉來khòe-tiàm輪心杆,一下無細膩,soah kā跤盤跤指頭仔khê-tio̍h輪止仔,大聲「哀」一聲,兩人和鐵馬同齊péng落去塗跤兜。
「阿娘--ōe!我ê--lah!母--à-òe!我ē--lah!」阿吉哀kah mah-mah-háu
「阿吉,你流血--à,有要緊--bò͘?小lún--leh,我轉去恁老母講。」
無外久,阿吉in ī--ā來到位,看著阿吉倒塗跤koh流血,阿吉in ī--ā 看一下soah--去,阿輝gāng-gāng m̄boeh按怎?忽然間遠遠走來一台ō͘-i ō͘-i救護車,阿輝算是有巧氣,隨時喝救人,救護人員一下看,一个查某人暈暈死死塗跤,趕緊扛起去車內,跤手猛掠,隨時ō͘-i ō͘-ileh走。
阿輝恬恬徛leh愣愣看,阿吉--à mā已經peh起來綴阿輝恬恬徛leh愣愣看,這究竟啥乜代,你知,我mā m̄知,阿輝阿吉你看我,我看你。
無一tah久仔,ō͘-i ō͘-i駛倒轉--來,阿吉--à in ī--āchhoah-chhoah
「你一个夭壽死囡仔,害我無代無誌͘人載boeh去病院,好佳哉半路精神--起來,chiah知影是你著傷。」「ah 有按怎--bò͘?」

ī--āah m̄是規欉好好chhāi tī chia?厚緊張。」